La Coordinadora Ecoloxista critica que'l PSOE tea a la escontra de la incineradora de Madrid y a favor de l'asturiana

"La Coordinadora Ecoloxista d'Asturies criticó, al traviés d'una nota prensa, la postura d'un PSOE, que ""s'opón a la incineradora prevista pa Madrid y, pela contra, apoya la d'Asturies"".

Asina, la organización afirmó que nel desarrollu de la II Convención Municipal, que peslló'l secretariu d'Organización del PSOE, José Blanco, sumóse a la posición contraria a la incineradora ""prevista en Madrid, onde gobierna'l PP, demientres que de la d'Asturies nun dixo nada"".

El coleutivu ecoloxista sorrayó que, el mesmu José Blanco, dixo nesta conferencia que ""una incineradora nun ye la meyor manera de da-y rempuesta al desafíu del Cambiu Climáticu"".

Poro, dende la Coordinadora Ecoloxista manifestaron que ""taría vien que Blanco diera una vuelta per Asturies"". ""Tendría de pasase per Asturies y dici-yos los mesmo a los sos dirixentes de la FSA-PSOE que quieren ponenos la mayor incineradora d'España nel centru de la rexón de 475.000 tonelaes al añu, ensin importa-yos que vivamos 600.000 persones nun radio de 10 quilómetros"".

Nesti sen la Coordinadora Ecoloxista recordó qu'Asturies ""ye yá la comunidá española más alloñada de Kyoto y nun se pue escaecer que tien una media d'emisiones por habitante que triplica la media europea y duplica la media española"". ""Nun pue ser que'l mesmu partíu que diz eso en Madrid n'Asturies quiera ponenos la mayor incineradora d'España pa quemar el 83% de los residuos urbanos"", fina la organización."