"The Seredados" ganen el I Concursu Apple Pop

"El grupu ""The Seredados"" de Xixón, ye'l grupu ganador del I Concursu de Maquetes Apple Pop, dempués del conciertu-final que tuvo llugar esti sábadu en Villaviciosa. Tres l'actuación en direutu de ""Pantano"", de Xixón, ""Oniria"", de Málaga, ""Just like the movies"", de Valencia y ""The Seredados"", de Xixón, fueron estos últimos los ganadores, según informó l'Ayuntamientu de Villaviciosa.

""The Seredados"" ye un grupu formáu en Xixón a finales del 2007. El so estilu ta definíu pola fórmula del tríu de rock clásicu: guitarra, baxu y batería; con un amestáu de garage, rock, punk y bizarrismu "" en partes non equilibraes nin previsibles"", según la organización del Festival.

Chus, Eduardo y Kiko, componentes de ""The Seredados"" van volver a actuar en la Villa'l miércoles 26 de xunetu nel Festival Apple Pop, con grupos como ""Sex Museum"", ""The Mockers"", ""The Long Boards"" y ""Feedbacks""."