Una segunda tanda d'inmigrantes tenta entrar en Melilla

"Les Fuerces de Seguridá del Estáu frenaron esta nueche un nuevu intentu de pasu a Melilla pos parte de decenes d'inmigrantes subsaharianos, nesti casu coincidiendo cola tanda de penaltis ente Italia ya Italia na Eurocopa.

La Delegación del Gobiernu aseguró que nengún subsaharianu pudo entrar en ""suelu español"". Pela contra n'alborada del domingu, seis inmigrantes fueron quien a ingresar nel Centru d'Estancia Temporal.

Tanto la Policía Nacional como la Guardia Civil, asina como les fuerces policiales marroquís nel otru llau de la frontera, taben alvertíes de que puen repetise avalanches como la que se rexistró a les 4.30 hores de l'alborada del domingu, cuando 70 inmigrantes tentaron entrar na ciudá del Norte d'África d'un mou violentu.

D'esta manera, los policíes de los dos llaos del principal puestu fronterizu, pararon esta entrada illegal a territoriu español, cuando munchos melillenses tornaben a casa dempués de pasar el día nes playes marroquís. Sicasí, viviéronse momentos de muncha tensión na cola, sobretoo ente dalgunos neños, qu'entamaron a llorar al ver a los subsaharianos saltar sobre los sos coches y a los axentes de policía enfrentándose a éstos con material antidisturbios."