La Sociedá Casina de L'Habana cumple 100 años

"Con motivu de la celebración del centenariu de la Sociedá Casina de L'Habana, el 27 de xunu, una delegación institucional del Ayuntamientu de Casu viaxará a Cuba la próxima selmana p'asistir a los actos.

La Sociedá Casina de L'Habana foi fundada el 27 de xunu de 1908 por un grupu de xente de Casu qu'aconceyaba nos salones del vieyu Palaciu del Centru Asturianu. El so primer presidente foi Manuel Suárez Prida, teniendo como secretariu y ayalgueru a Maximiliano Isoba Prado y Antonio Laíz Montero. Otros socios fundadores tamién fueron Manuel Hevia Martínez, Leopoldo Miguel Isoba, Alejo González Pereda, Celedonio Miguel Suárez, Juan Martínez García y David Martínez García.

Elías Rodríguez, alcalde de Casu, manifestó que ""tenía de sorrayase'l llabor de los emigrantes que, dempués de pasar penuries y duros esfuercios por alcontrar un destín que-yos diera de comer y finara coles carencies de les sos families, nunca escaecieron la so tierra y les necesidaes de los que quedaron nella"".

Asina, y con esti viaxe, la Coorporación municipal quier rindir homenaxe a los sos vecinos de Cuba."