Intelectuales españoles roblen un manifiestu en defensa del castellán

"Un grupu d'intelectuales españoles presentará'l próximu llunes en Madrid un manifiestu nel que vindiquen la importancia del castellán como ""llingua común pal xuegu de la democracia"" y reclamen al parlamentu que garantice ""en tol territoriu nacional"" los derechos les persones qu'escueyan ""la llingua común"".

La declaración, titulada ""El Manifiestu por una llingua común"" ta soscrita por un grupu d'Intelectuales, munchos d'ellos próximos a la formación de Rosa Díez, Unión Progresu y Democracia (UPyD).

Ente ellos rescamplen Mario Vargas Llosa, que manifestó'l so apoyu a UPyD na so constitución, los escritores y pensadores Fernando Savater, Álvaro Pombo o Carlos Martínez Gorriarán.

El manifiestu va ser presentáu'l próximu llunes nel Atenéu de Madrid pa vindicar la importancia del castellán na política ""y la so posición asimétrica respeuto al restu de llingües oficiales españoles, d'alcance reducíu a les autonomíes billingües"". ""Baxo esta premisa y de magar el testu, los firmantes soliciten al Parlamentu les modificaciones o esclaramientos tanto constitucionales como estatutarios que garanticen en tolos campos y en tol territoriu nacional los derechos de los qu'opten pola llingua común"", espliquen.

El testu tamién va tar robláu pola historiadora Carmen Iglesias, Aurelio Arteta, Félix de Azúa, Albert Boadella, Carlos Castilla del Pino, Luis Alberto de Cuenca, Arcadi Espada, Alberto González Troyano, José Luis Pardo, Ramón Rodríguez o José María Ruiz Soroa."