MªEsther García presenta "Pisadas" en Piedras Blancas

"MªEsther García López presentará, esti xueves a les 20.00 hores nel Salón d'Actos del IES ""Isla de la Deva"" de Piedras Blancas, el poemariu ""Pisadas"" col que ganara'l Premiu Uviéu de poesía na so edición del 2006.

Na presentación, que correrá a cargu de Juan José Sánchez Navarro, direutor del IES ""Isla de la Deva"", tamién tarán presentes Ana Cano González, presidenta de l'Academia de la Llingua Asturiana; Ángela Vallina de la Noval, alcaldesa de Castrillón; y José Suárez Arias-Cachero, conceyal de Cultura del Ayuntamientu d'Uviéu.

Nel poemariu ""Pisadas"" la escritora de Valdés ufiérta-y al llector unos versos qu'amuesen les sos vivencies y lu tresporten dende la realidá de tolos díes a l'alcordanza de la infancia y la naturaleza.

Mª Esther García López ye maestra, llicenciada en Pedagoxía y Esperta en Filoloxía Asturiana. Tien escrito abondosu material didáuticu pa la enseñanza de la llingua asturiana, y nos últimos años vien descubriéndose como una de les voces más vives de la poesía asturiana con llibros como: ""L.luribaga"" (2003), ""Tiempu d'Iviernu""(2005), y el más nuevu ""Faraguyas (haikus)"" (2007)."