Concentración n'Uviéu en defensa del arte asturianu

La Lliga Celta d'Asturies fai un llamáu esti sábadu 25 pa defender l'arte asturianu. Dempués ta organizada la conferencia 'Monumentos altomedievales d'Uviéu: nuevos enfoques y perspectives' por Francisco J. Borge Cordovilla.

Dende la Lliga Celta d’Asturies ante'l so esmolecimientu pola situación del Arte Astunianu quieren convocar tolos partíos políticos,instituciones, organizaciones, y a toles persones que consideren que paga la pena movilizase p’amalgar una xestión correuta de nuesu patrimoniu y que seya garante de la supervivencia del Arte Asturianu pa les xeneraciones futures.

Con esti actu quieren que l’Alministración d’Asturies se dea cuenta de que al pueblu asturianu interesa-y el so patrimoniu y que lu valora, y que con delles midíes de baxu coste y poca complexidá operativa podía meyorase'l caltenimientu d'esti arte únicu.

Pa ello van entamar una concentración qu’entamamos pal prósimu sábadu 25 de marzu delantre de l’ilesia de Santuyano na cai Selgas 1 d’Uviéu a les 11:00h.

Dientru d’esti actu reivindicativu pola correuta xestión del nuesu patrimoniu, a les 12:00h van ufiertar una conferencia titulao 'Monumentos altomedievales d’Uviéu: nuevos enfoques y perpectives' que va ser inpartida por Francisco José Borge Cordovilla, autor de Mirabilia Ovetensia ya investigador del Arte Asturianu. 

La conferencia va impartise na Sala 4ª del Hotel d’Asociaciones Santuyano, na cai Joaquín Costa 48, planta sótanu d’Uviéu. (A escasos 5 minutos del llugar de la concentración).