Resume de les intervenciones del miércoles na Comisión sobre'l Réxime de Proteición y Promoción del Asturianu na Xunta Xeneral

La periodista Pilar Rubiera, Ramón d’Andrés, Xuan Bello y l'escultor Adolfo Manzano fueron los intervinientes d'esta sesión.

Güei na Xunta Xeneral celebrose una nueva xornada de la Comisión Especial d’Estudiu sobre'l Réxime de Proteición y Promoción del Asturianu. La periodista  Pilar Rubiera, Ramón d’Andrés, Xuan Bello y l'escultor Adolfo Manzano fueron los intervinientes d'esta sesión y estes foron dalgunes de les sos aportaciones:

• Rubiera: "Nun entiendo'l desdeñu institucional pol asturianu" / "Les llingües fáenles los falantes, pero les instituciones polítiques han de liderar el procesu que permita calteneles" / "Hai falta d'amor a la tierra; d'entender ónde tamos y quiénes somos" / Si los parllamentarios falaren n'asturianu, los periodistes tendríen que treslladar n'asturianu les sos pallabres. D'esta forma, los periodistes ameyoraríen el so usu del idioma. Tresformaría munches coses y daría visibilidá al idioma"
• D’Andrés: "La situación del minor d'asturianu ye preocupante y afeuta al so sentíu de ser” / "La llingua forma parte del conxuntu d'intereses d'Asturies" / "El debate sobre si la llingua asturiana ye d'izquierdes o de dereches ta superao" / "La sociedá civil ta dándonos una lleición. Los políticos han de ponese les piles" / "La sociedá civil nun ye sólo la xente que ta en chigre; son los creadores, los empresarios qu'etiqueten n'asturianu..."
• Bello: “La lliteratura asturiana foi y ta siendo un auténticu milagru" / "Una llingua nun se pue salvar ensin lliteratura" / “Dar una conferencia n'asturiano o gallego-asturiano n'Ibias ye más díficil qu'en Nueva York, y falo por esperiencia" / "Lo qu'asocede n'Asturies ye que nun hai nenguna institución que protexa y vele pola creación n'asturianu, escrita o audiovisual" / "L'asturianu desapaez nel sieglu XIV de la órbita del poder, pero non de la boca del pueblu. Teniéndolo too a la contra, tamos nel 2017 y hai xente que sigue falando asturianu"
• Manzano: "Too esti tiempu demostró que la Llei d'Usu nun foi eficaz, anque sí que paez qu’algamó’l so oxetivu: el desaniciu del asturianu” / "L'asturianu ye dalgo marxinal nes instituciones" / “El tratamientu a la llingua n'Asturies ye'l mesmu que'l que se-y da al restu de los bienes culturales".

Na cuenta de Twitter d’Asturies.com comentamos en direuto tola sesión. Calcando nesti enllaz pue consultar cómo se desendolcó la mesma minutu a minutu y conocer tolos comentarios de los comparecientes y representantes políticos.