Belén Fernández píde-y a la UE un "mayor compromisu" pa col campu asturianu

"La conseyera de Mediu Ambiente y Desarrollu Rural, Belén Fernández, pidió-y esti miércoles a la Unión Europea un ""mayor compromisu"" pa cola ganadería y rexones como Asturies que trabayen con modelos d'esplotación familiares.

Fernández fizo estes manifestaciones na presentación de la campaña d'información y promoción de la Xata Asturiana con Indicación Xeográfica Protexida (IXP) que se desarrolló nel restaurante Latores d'Uviéu. La responsable rexonal pidió-y a la UE que tenga en cuenta les posibilidaes de la ganadería asturiana pa que contribuyan a garantizar unes bones condiciones y una calidá y seguridá na alimentación.

""Necesitamos que n'Europa se faiga un fuerte apueste pola ganadería de vacunu asturianu"". La conseyera de Mediu Ambiente y Desarrollu Rural reconoció que la situación ganadera asturiana ""nun pasa pel so menor momentu"", debío a la subida del preciu de los piensos y del combustible anque señaló que'l Gobiernu rexonal ""ta faciendo tolo posible pa que nun se vea amenazada la viabilidá de munches esplotaciones ganaderes"".

Nesti sen, Fernández apostó pola puesta en marcha d'un contratu d'esplotación sostenible de vacunu basáu nel aprovechamientu de los recursos naturales y na afitamientu de la IXP. La responsable rexonal fizo tamién un apueste pola investigación como ferramienta ""fundamental"" p'aportar conocencia al sector y sorrayó la necesidá de facer campañes de promoción pa dar a conocer el productu asturianu de ""primer calidá""."