La Eurocámara aprueba la enmienda sobre repatriación d'inmigrantes irregulares

"El plenu del Parlamentu Européu aprobó esti miércoles por 369 votos a favor, 197 a la escontra y 106 astenciones, la polémica norma qu'armoniza los procedimientos de repatriación de los inmigrantes.

El so apartáu más polémicu ye'l que permite a los Estaos miembros retener a los inmigrantes a la espera d'espulsión en centros internaos hasta un máximu de 18 meses. Delles ONG, ente elles Amnistía Internacional, denunciaron qu'esta norma viola los Derechos Humanos de los inmigrantes.

La direutiva recibió l'apoyu mayoritariu del grupu popular européu, inda la delegación española y de los lliberales. Los socialistes dividiéronse, anque la delegación española votó d'un mou mayoritariu a favor, pese al refugu de les sos enmiendes, según informaron fontes parlamentaries. El grupu de los verdes y el d'Izquierda Unitaria votaron escontra'l testu.

El preste de la Eurocámara pon-y el puntu a la tramitación de la direutiva. Una vegada seya espublizada nel boletín Oficial de la UE, los Estaos miembros tienen un plazu de dos años pa introducila nes sos respeutives llexislaciones nacionales. Amás, van tener un añu adicional pa prestar asistencia xurídica de baldre a los inmigrantes en procedimientu d'espulsión. La norma establez que cuando una persona en situación irregular seya espulsada va tener prohibida la so entrada en territoriu comunitariu nun periodu de cinco años.

Por embargu, introduzse'l principiu de retornu voluntariu, que diba evitar esta prohibición d'entrada. Cada inmigrante tien derechu a dexar el país voluntariamente y los Estaos miembros van tener que dexar conseñáu un plazu pa ello d'ente siete y 30 díes. La direutiva de retornu va aplicase tamién a les families y menores non acompañaos, anque nesti casu cuéntase con garantíes específiques."