Concentración escontra la direutiva de la UE sobre inmigración

"Los coleutivos ""Asturias Acoge"" y ""SOS Racismu"" convoquen una concentración pa esti miércoles 18 de xunu a les 20.00 hores énte'l Teatru Campoamor d'Uviéu. L'oxetivu ye espresar el posicionamientu contrariu al proyeutu de Direutiva de la Unión Europea sobre la detención y espulsión de les persones estranxeres, que será presentáu al Parlamentu Européu.
Según estes organizaciones, ""dende 1990 la política europea que ficieron los distintos gobiernos no que cinca a la emigración y asilu ta llevando a amenorgar les garantíes y protecciones fundamentales de les persones"". Asina, camienten qu'Europa tresfórmase nuna ""fortaleza trancada"" y afitada nos medios ""desproporcionaos"" pa torgar la entrada nel so territoriu."