Pilar Sánchez Vicente presenta "La Diosa contra Roma"

"La escritora asturiana Pilar Sánchez Vicente presenta esti miércoles n'Uviéu'l so últimu llibru ""La Diosa contra Roma"", de la editorial Roca Editorial, na Llibrería Cervantes, dientro de los actos del Foru Abiertu.

El noyu de la novela desarróllase nel añu 4 dempués de Cristu. Octavio Augusto acaba morrer y, dempués de les honres fúnebres, ye proclamáu Dios. Cleóstratu, un esclavu griegu yá vieyu, ye llibre pa escribir la historia tapecida de la vida del muertu: la epopeya d'Imborg, la guerrera.

Pilar Sánchez Vicente nació en Xixón en 1961. Llicenciada en Xeografía ya Historia na Universidá d'Uviéu, fizo la memoria de la so llicenciatura sobre La condición xurídica de la muyer na Edá Media. Dende 1987 trabaya como documentalista nel Centru Rexonal d'Información y Documentación de Mocedá del Principáu d'Asturies, siendo xefa del Serviciu de Publicaciones, Archivos Alministrativos y Documentación del Gobiernu del Principáu d'Asturies."