Israel y Hamas roblen l'alcuerdu d'altu al fueu

"L'altu'l fueu ente Israel y Hamas entamará'l próximu xueves, día 19 de xunu, según informaron fontes palestina averaes a les negociaciones y fontes oficiales exipcies citaes pola axencia estatal MENA.

""Les dos partes llegaron a un alcuerdu y l'entamu de la tregua será les seis de la mañana (cinco n'España) del xueves"", esplicó la citada fonte palestina, que pidió caltener l'anonimatu debío a que nun ta autorizada pa dar anuncia del alcuerdu. Según añadió, l'altu'l fueu foi alcordáu pese a la muerte de siete milicianos palestinos en dellos bombardeos efectuaos esti mesmu martes pola aviación israelí na Franxa de Gaza.

Ente les condiciones de la tregua, Hamas pide'l fin del bloquéu sobre la Franxa de Gaza asina como l'abertura de los puestos fronterizos, demientres qu'Israel desixe l'inmediatu cese de llanzamientu de cohetes.

Tanto les fontes israelís como les palestines alvirtieron de que baxo cualesquier mena d'alcuerdu de tregua'l llevantamientu del embargu va ser gradual y parcial."