Ornosa recuerda que la promoción "nun garantiza derechos" a los falantes d'asturianu y gallego-asturianu

"El voceru del Conceyu Pola Oficialidá, Fernando Ornosa, adelantó esti llunes que la campaña ""Doi la cara pola oficialidá"", que punxera en marcha'l CAO nes pasaes selmanes, perpasa yá les 2.000 semeyes recibíes; imáxenes que serán colgaes na galería de Doilacara.net nos próximos díes.

La campaña consiste na recoyida de semeyes de persones que posen con un cartel nel qu'amuesen el so apoyu a la oficialidá del asturianu y el gallego-asturianu.

Ornosa señaló amás, en declaraciones a los periodistes, que ""la promoción por sí sola nun garantiza que tengamos los mesmos derechos que les demás llingües"" en rellación a la necesidá de da-y a la llingua un estatus llegal amañosu.

El voceru del Conceyu Abiertu pola Oficialidá fizo estes declaraciones énte l'edificiu de la Xunta Xeneral del Principáu d'Asturies, y coincidiendo col aconceyamientu de los grupos parlamentarios presentes na ponencia estatutaria.

Nesti sen Ornosa señaló que'l Conceyu ta redactando un testu pal artículu 4 del Estatutu, a pidimientu de PP y IX-BA-Verdes, que va dase a conocer a finales d'esti mes. ""Ye un testu de mínimos, perfeutamente asumible, que recueye los puntos básicos pa la cooficialidá del asturianu y del gallego-asturianu nel territoriu del Navia-Eo""."