¡Alirón!, a Primera División

"El Sporting de Xixón torna a la primer división dempués de diez años en Segunda. Los goles de Mate Bilic y Luis Morán aseguraben l'ascensu nun partíu nel que l'equipu asturianu ganó con comodidá. Xixón foi la primer ciudá en celebrar un ascensu al que tamién s'axunta'l Málaga, dempués de que la Real Sociedá finara'l partíu con un resultáu d'empate (1-1) énte'l Córdoba.

El Molinón vivió un partíu nel que colgare'l cartel de ""nun hai entraes"" a primeros de selmana, y trés hores dempués d'entamar a vender. L'afición sportinguista de tolos llugares d'Asturies treslladóse a Xixón pa vivir una fiesta na que nun faltó la presencia del brujo ""Quini"", que se recupera d'una grave enfermedá y que vivió emocionáu como'l campu-y cantaba el ""¡agora Quini, agora!"".

Les celebraciones, qu'enllenaron la ciudá de los colores del equipu, treslladáronse a la playa San Llorienzu, la fuente de Begoña y la estatua de Pelayo na plaza'l Marqués, nuna xornada deportiva que quedará na historia del fútbol asturianu.
D'otru llau'l Sporting B tamién se xunta a les celebraciones al xubir a Segunda División B dempués d'eliminar al Zamudio nun partíu que finó con un resultáu d'empate y que foi xugáu na Escuela de Fútbol de Mareo."