Sidoro Villa y Paco Álvarez alcuéntrense colos sos llectores

L'autor de la novela 'A estaya' va falar colos de Nava, mentes que'l de 'Lluvia d'agostu' va facer lo propio colos de Corvera.

Los Talleres de Llectura n'Asturianu qu'entama'l Serviciu de Normalización Llingüísica de la 'Comarca de la Sidra' en Nava acueyen esta tarde a les 19 hores, na Sala Marta Portal de la Casa la Cultura, un alcuentru col escritor sierense Sidoro Villa Costales al rodiu de la so novela 'A Estaya'. Ésta ye la so primer incursión na narrativa p'adultos y cuenta la historia d'un peculiar apueste ente bebedores de sidra na cuenca'l Nalón a finales de los años 60.

Mentes, en Corvera, el Taller de Llectura n’Asturianu qu'organiza la Casa de la Llingua va permitir a los sos participantes conocer a Francisco 'Paco' Álvarez, col que van poder falar sobre la obra 'Lluvia d'agostu', trabayu que llevó'l XXXVII Premiu Xosefa Xovellanos de novela, correspondiente al 2015, y que ta centráu na biografía del anarquista José Buenaventura Durruti. Esta sesión va tener llugar nel Centru Sociocultural de Les Vegues a les 18 hores d'esta tarde.