Siguen les concentraciones énte la Xunta Xeneral

"El Conceyu Abiertu pola Oficialidá sigue convocando concentraciones nes puertes de la Xunta Xeneral, actu vindicativu que caltendrá demientres dure la ellaboración del testu estatutariu. Nesti casu la hora conseñada serán les 10.45 de la mañana, momentu qu'aprovechará'l voceru del CAO, Fernando Ornosa, pa facer una valoración del momentu nel que s'atopa la vindicación llingüística.

Fernando Ornosa valorará les últimes declaraciones feches polos partíos con representación parlamentaria, asina como los trabayos del CAO en materia de movilización social y de puesta en valor de la oficialidá ""como única garantía pa que la llingua asturiana nun desapaeza"". Arriendes d'ello fairáse anuncia del númberu de semeyes recoyíes na campaña doilacara.net, que nesta selmana perpasaben yá les 1.000, informando amás de los llugares ónde van a colocase les meses informatives y de recoyida de semeyes nos próximos meses."