Los irlandeses voten "non"

"El ministru de Xusticia irlandés, Dermont Ahern, reconoció que'l non ganara la consulta realizada n'Irlanda sobre'l denomáu Tratáu de Lisboa. ""A la fin, y por bayura de razones, el pueblu faló"".

Los resultaos oficiales apunten a una victoria del ""non"" col 57% de los votos énte al 42% del ""sí"". D'alcuerdu colos datos el ""non"" impúnxose nes zones de Waterford, Sligo-Leitrim Norte, Tipperary Norte y Sur, Kerry Norte y Sur. La primer zona de Dublín n'anunciar el resultáu, la suroeste, el ""non"" impúnxose col 65% de los votos.

Irlanda yera l'únicu país de la UE que tenía que llevar a referendu'l Tratáu de Lisboa, quedando conseñáu esti supuestu nos artículos de la Constitución irlandesa.

D'otru llau'l secretariu d'Estáu francés d'Asuntos Esteriores, Jean-Pierre Jouyet, declarara esti vienres que si trunfaba'l ""non"" n'Irlanda, tendríen qu'alcontrase ""mecanismos particulares, ad hoc, de cooperación colos irlandeses ""nel marcu institucional yá que'l procesu de confirmación del Tratáu de la Reforma tendría de siguir nel restu de los países que formen la Unión Europea""."