Xabier Díaz & Adufeiras de Salitre trayen música tradicional gallega al Centru Niemeyer

Presenten el so discu 'The Tambourine Man', con cantares recuperaos tres años d'investigación. Esta actuación abre'l ciclu de conciertos 'Esencies Ibériques'.

Tres participar nel Celtic Connections, Xabier Díaz aporta a Avilés xunto coles once muyeres a la voz y la percusión que conformen Adufeiras de Salitre, Gutier Álvarez (zanfona y violín) y Javier Álvarez (acordión diatónicu) pa dar a conocer al públicu asturianu'l so trabayu 'The Tambourine Man'. Nél emplega instrumentos tradicionales práuticamente en desusu y recupera cantares populares con melodíes que caltienen el sellu auctóctonu de Galicia, anque pasaos pel enfoque vanguardista y personal de Díaz.

El conciertu, enmarcáu dientro d'un xira que ta llevando a los gallegos per dientro y fuera del Estáu, va celebrase mañana, a les 21 hores, na Sala Club del avilesín Centru Niemeyer dientro del ciclu 'Esencies Ibériques'. Completen el mesmu les actuaciones de Germán Díaz (3 de marzu) y Les Pandereteres (17 de marzu). Los dos primeros tienen un costu de 13 euros caún, mentes que la entrada pa ver a la banda liderada por Eva Tejedor ye de 10 euros.