Preséntase la Fundación Institutu Asturies 2030

Definen el so proyectu como un un proyectu dinamizador y de meyora de les condiciones de vida de la ciudadanía asturiana.

Esti domingu 5 presentose en Xixón la Fundación Institutu 2030. L'actu foi presentáu por Antón Díaz y dos de los sos patrones l'abogada Yolanda Huergo y el sociólogu y profesor universitariu César Rendueles. Esti alcuentru fundacional contó cola asistencia de los sos primeros patronos y persones representatives de dellos ámbitos de la sociedá asturiana.

L'Institutu Asturies 2030 pretende proporcionar "espacios de reflexón y comunicación qu'imprimar n'Asturies una estratexa social, territoria, económica, política y mediu ambiental innovadora, sostenible y digna de ser un referente estatal e internacional nun plazu prósimu 2030". Definen el so proyectu como un un proyectu dinamizador y de meyora de les condiciones de vida de la ciudadanía asturiana en tolos ámbitos: sociales, económicos y culturales.

Pa ello tienen previsto desarrollar un ampliu plan d'actividaes y estudios colos que y pretenden collaborar con colectivos sociales, instituciones públiques o privaes, grupos políticos que desarrollen "propuestes constructives y coherentes colos fines sociales del Institutu".