Esther Fonseca presenta "Viaxe" nel Filamónica

"La vocalista del grupu ""Llangres"" presenta'l so segundu discu en solitariu nel Teatru Filarmónica d'Uviéu, nun conciertu que tendrá llugar esti vienres 13 de xunu a les 20.00 hores.

Con ""Viaxe"" Fonseca fai un apueste pol pop sutil al traviés de balaes, temes emotivos y desenfadaos, roblaos toos ellos pol compositor Nacho Fonseca.

Esther Fonseca publicare nel añu 2002 el so primer discu en solitariu, ""Agua"", nel que yá amosaba'l bon facer y la intención comunicativa espeyada na orixinalidá y querencia de la voz y les melodíes. En ""Viaxe"" la cantante acompáñase de músicos de sonadía como 'l guitarrista Javier Monje, el percusionista Juanjo Díaz, l'arpista Yago Prado, el flautista Manuel Fonseca, el violonchelista Peter Bulla y los teclaos d'Emilio Huerta.

Asina mesmo ""Negra"", ún de los cantares presentes nesti discu, tuvo nomináu al Premiu al Meyor Cantar na edición d'esti añu."