Caxastur presenta la recopilación "Teatru n'Asturianu"

"Caxastur axunta na publicación ""Teatru n'Asturianu"", presentada esti martes n'Uviéu, dalgunes de les obres más representatives del teatru costumista n'asturianu, recoyendo les obres ""La Quiniela"", ""Tocóme la llotería"" y ""Hai güeyos"".
La publicación cuenta amás cola collaboración de la Conseyería de Cultura del Principáu d'Asturies, l'Ayuntamientu d'Uviéu y el Gremiu d'Editores d'Asturies. Por parte de los editores, la so representante, Marta Magadán, señaló qu'espera qu'esta publicación torne nel entamu d'una serie de llibros de teatru n'asturianu.

""El proyeutu naz con idea de continuidá pa dar a conocer al mayor númberu posible de persones el teatru asturianu"", afirmó la editora. Pal representante de la Federación de Grupos de Teatru Amateur del Principáu d'Asturies (Feteas), José Ramón López, esti llibru ye'l principiu de ""un gran proyeutu"" editorial del teatru costumista n'asturianu.

Otru de los escritores qu'apaecen nel llibru cola obra 'La Quiniela', José Ramón Oliva, destacó qu'ensin apoyos ""ye mui difícil"" que'l teatru clásicu salga a la lluz. D'otra parte, Arsenio González, señaló qu'al principiu paecería ""un suañu"" apaecer nun llibru como ésti. ""Al principiu paecíame un suañu, pero agora veome equí"", declaró. Pa finar, Carmen Duarte, autora de ""Tocóme la llotería"" felicitó la iniciativa pola so voluntá de ""protexer y esparder"" la llingua asturiana."