Siguimientu "cuasi total" de la fuelga de tresportes

"La segunda xornada de paru de los tresportistes de mercancíes cuntó con un siguimientu masivu que perpasó'l 90% en tol país, colo que se rexistra una ""paralización cuasi total"" nos servicios, según informó la Federación Nacional d'Asociaciones de Tresportes de Mercancíes (Fenadismer).

La patronal convocante, la segunda del sector, aseguró que la frontera con Francia sigue bloquiada en dambos sentíos, tanto nel pasu de la Jonquera como n'Irún.

Fenadismer descartó incidentes con piquetes informativos o dalgún otru tipu d'incidencia más allá de les marches llentes que los camiones protagonizaron na mañana del martes nes carreteres d'entrada de les principales ciudaes.

L'asociación decidió siguir col paru tres non sumase al acuerdu soscritu ente'l restu de patronales del sector y les asociaciones de cargadores. Sicasí, na mañana del martes, tanto Fenadismer como'l restu d'organizaciones de tresportistes de mercancíes representaes nel Comité Nacional del Tresporte (CNT) entamaron les negociaciones con representantes del Gobiernu nel Ministeriu de Fomentu cola fin de diseñar un paquete de midíes que compensen al sector pola xuba de los combustible."