La Xunta Militar Birmana alvierte de que Suu Kyi "merez ser azotada como los neños revolvinos"

"La Xunta Xeneral birmana alvirtió esti miércoles que la cabezalera de la oposición, Aung San Suu Kyi, ganadora del premiu Novel de la Paz y n'arrestu domiciliariu dende hai años, merez ""ser azotada como a un neñu revolvín por amenazar la seguridá nacional"".

Al intentar xustificar la prollongación de los seis años d'arrestu domiciliariu de Suu Kyi, de 62 años, la Xunta, al traviés de los diarios oficiales, señaló que la líder opositora y otros deteníos tuvieron en contautu y recibieron perres de guerrilleros rebeldes y de gobiernos estranxeros.

""Pola mor de los crímenes que tien cometido, bien merez ser castigada con azotes como los neños revolvinos"", apuntaron los diarios nunos duros editoriales espublizaos en birmanu ya inglés, qu'añadieron que'l Gobiernu ta comportándose como'l ""padre del pueblu"", amosando la so ""gran paciencia"". La Xunta Militar mantién deteníos a Suu Kyi y a otros opositores ""con envís de que nun puean cometer otra vuelta crímenes d'esi calter"", señaló l'editorial.

La Lliga Nacional pa la Democracia, partíu del que ye vocera Suu Kyi, ganó más del 80% de los escaños nel Parlamentu nes elecciones de 1990, pero'l gobiernu militar que dirixe Myanmar dende'l golpe d'Estáu de 1962 anuló los resultaos y sigue nel poder dende esi momentu."