Samartín del Rei Aurelio va entregar la Medalla d'Oru a Nuberu

El Teatru Municipal de Samartín del Rei Aurelio en L'Entregu va acoyer esti próximu xueves 4 de xunu a partir de les 19:00 hores l'actu d'entrega de la Medalla d'Oru del conceyu a Chus Pedro y Manolo Peñayos, "Nuberu", que l'Ayuntamientu concedió en sesión plenaria de 25 de setiembre de 2008 pola so "trayectoria artística y musical y la so contribución a la cultura asturiana".

Darréu d'ello va inaugurase la esposición "Yá llovió.Nuberu Treinta Años" entamada por La Mula Torda, patrocinada pol conceyu de Samartín del Rei Aurelio, CajAstur y la Conseyería de Cultura y na que collaboren SGAE, Fundación Juan Muñiz Zapico, BLASTER TV, Fundación José Barreiro y Productora RTV Asturies.

L'amuesa tará asitiada na sala d'esposiciones del teatru municipal, dende'l 4 de xunu al 20 de xunetu y a lo llargo d'esos díesvan desarrollase la proyección de documentales y conciertos sobre Nuberu qu'ilustrarán musicalmente la esposición, que s'estructura en trés partes: Nuberu nel tiempu, Nuberu más allá del tiempu y Nuberu, allá va la despedida.