El Pentágonu da-yos prioridá a los xuicios de Guantánamu

"El Pentágonu declaró los xuicios de Guantánamu por crímenes de guerra una prioridá nacional, doblando'l númberu d'abogaos militares asignaos a los acusaos, pese a que dalgunos críticos aleguen que'l Gobiernu quier acelerar el procesu pa influir nes elecciones de payares.

El xeneral del Exércitu del Aire Thomas Hartmann, conseyeru llegal del Pentágonu, esplicó a los periodistes que visitaron Guantánamu que nos próximos tres meses van añadise unos 108 abogaos militares uniformaos a los equipos d'acusación y defensa.

Hartmann recordó que ""el Departamentu de Defensa acaba proponer de manera consistente facilitar xuicios xustos y tresparentes"". ""Ye la so obligación númberu ún"", sentenció hores enantes de la declaración de les cinco acusaos d'Al Qaeda que puen ser executaos si son declaraos culpables de planiar los ataques del 11 de setiembre del 2001.

Los fiscales y los abogaos defensores lleven años quexándose de la falta de mano d'obra y recursos nel criticáu sistema llegal de Guantánamu, creáu pola alministración Bush pa tratar a los operativos sospechosos de pertenecer a Al Qaeda al marxe de tribunales civiles y militares.

Pasen yá más de seis años dende qu'EE.XX entamara a unviar a los sos presos a la base naval de la Bahía de Guantánamu en Cuba y nin ún solu de los casos tuvo un xuiciu. Hai 19 casos pendientes, incluíos dalgunos que se retrasaron delles veces ente les amenaces a la llegalidá del tribunal de Guantánamu. Un ex fiscal xefe del tribunal, que refugó'l so puestu'l pasáu ochobre polo que calificó d'intromisiones polítiques, quexóse de que los fiscales tán siendo presionaos pa condenar a los acusaos de planiar el 11-S enantes de les elecciones de payares.

Los fiscales quieren entamar esos procesos en setiembre y un xuez refugó'l pidimientu de los abogaos defensores de retrasar la citación del próximu xueves por nun tener bastante tiempu p'aconceyase colos acusaos. Los abogaos defensores calificaron de ""vergoñoso"" el fechu de que nun se-yos concediera más tiempu p'aconceyase colos sos clientes y pa preparar el casu, puntu nel que cuenten col apoyu de los observadores de Derechos Humanos."