Yá se conocen los finalistes al Premiu Nacional de Lliteratura Asturiana 2017

Xuan Bello, Antón García, Roberto González-Quevedo, Berta Piñán y Xuan Xosé Sánchez Vicente opten a algamar esti primer gallardón.

L’Academia de la Llingua Asturiana (ALLA) va dar anuncia esti prósimu vienres del  ganador del Premiu Nacional de Lliteratura Asturiana 2017. Los candidatos pa esta convocatoria edición del premiu son: Xuan Bello, Antón García, Roberto González-Quevedo, Berta Piñán y Xuan Xosé Sánchez Vicente.

Con esti gallardón l’Academia quier premiar el conxuntu de toa una trayeutoria lliteraria fecha a lo llargo del tiempu n’asturianu, asina como’l so impautu nel procesu de dignificación y normalización social de la llingua asturiana. 

El ganador o ganadora recibirán el premiu coincidiendo cola celebración del Día de les LLetres Asturianes. El premiu consiste nun Medayón distintivu del Premiu, fechu pol escultor Adolfo Manzano, una dotación económinca de 3.000€  y l'ALLA espublizará una antoloxía representativa de la produccción lliteraria del autor con una edición exclusiva y qu'espeye la importancia del premiu.

Na semeya: La presidenta de l'ALLA Ana María Cano, y el so vicesecretariu Xosé Antón González Riaño na presentación del premiu'l pasáu 27 de setiembre de 2016.