'De piescos y escayos', de Rosario Trabanco

Antón vive nuna aldea asturiana cola so muyer Telva y los sos suegros Blasa y Secundino. Ente la suegra y l'esposa faen-y la vida imposible y el so únicu consuelu ye Rosina, la mocina que tienen en casa de criada y de la qu'Antón se namoró como un adolescente, ensin que naide abarrunte nada. El so vecín, un solterón llamáu Sebastián y que ye'l so confidente y nun soporta a la muyer del so amigu, aconseya-y provocar un accidente a Telva, y ufierta-y la so ayuda. Ente los dos tracen un plan pa consiguir el so oxetivu, pero les coses nun resulten tan fáciles como creyíen y van complicándos énte la gayola de los espectadores.
Hora: 19 h.