Documental: The Wanted 18

V Amuesa de Cine Social y Derechos Humanos d'Asturies

The Wanted 18 ye un documental animáu, con imaxes d'arquivu y entrevistes, que remembra un momentu singular de la resistencia civil palestina mientres la dómina de la primera intifada. La localidá de Beit Sahour foi l'escenariu onde, por iniciativa de dellos productores locales, trató de ponese en marcha un negociu de producción lláctea que dexara romper el monopoliu de la distribución de lleche ente la población palestina, que taba en manos d'empreses israelines. Les 18 vaques que protagonizaron aquel episodiu dan títulu al documental.

El documental va ser presentáu por Xabel García, miembru del Comité de Solidaridá cola Causa Árabe.

Dirección: Amer Shomali y Paul Cowan
Guión: Paul Cowan
Palestina (2014)
VO subtitulada en castellán
Duración: 75 minutos
Hora: 19.30h