La Peña los Cuatro Xueces torna a aconceyar a representantes de los cuatro conceyos

"Vecinos y representantes políticos de los conceyos de Villaviciosa, Siero, Sariegu y Xixón, celebren un añu más la fiesta de ""Los cuatro xueces"" nel cumal de la peña del mesmu nome, asitiáu na llende de los cuatro conceyos asturianos.

La fiesta, que se recuperó nel añu 1983, fai alcordanza de los aconceyamientos que celebraben les autoridaes de cada conceyu nesi puntu pa resolver los usos y conflictos xeneraos, sobre manera, por cuenta de los pastos comunales.

Cuéntase con qu'unes 300 persones participen nesti actu que tendrá llugar a les 12.00 hores, pa siguir pela tarde la fiesta nel Centru Cultural de Lieres (Siero) coles partíes de bolos y los deportes tradicionales."