Preséntase n'A Veiga "La Comarca de los Oscos en la Edad Media"

"La direutora xeneral de Promoción Cultural y Política Llingüística del Principáu, Consuelo Vega Díaz, presenta esti sábadu a les 11:30 na Casa cultura d'A Veiga'l llibru ""La Comarca de Los Oscos en la Edad Media. Poblamiento, economía y poder"" de José Antonio Álvarez Castrillón, trabayu qu'algamó nel 2006 el Premiu Juan Uría Ríu, galardón que concede tolos años la Conseyería de Cultura y Turismu.

Asistirán tamién a la presentación el Caderalgu d'Historia Medieval de la Universidá d'Uviéu y Direutor del RIDEA, Juan Ignacio Ruiz de la Peña, amás de los alcaldes d'A Veiga, Juan de la Cruz Antolín Rato; Samartín d'Ozcos, José Antonio Martínez Rodil; Santalla d'Ozcos, Antonio Riberas Díaz; y Vilanova d'Ozcos, José Antonio González Braña; asina como l'autor del llibru, José Antonio Álvarez Castrillón, y un representante de KRK Ediciones, la editorial qu'espubliza la investigación.

José Antonio Álvarez Castrillón (Uviéu, 1966) ye Llicenciáu en Xeografía ya Historia. Anguaño trabaya como profesor d'Educación Secundaria, llabor que compaxina cola investigación historiográfica, centrada sobre manera na Edad Media asturiana. Ye'l coordinador de los dos primeros númberos de la revista ""Campo del tablado"", dedicada a la cultura ya historia de la fastera occidental d'Asturies, siendo autor d'una decena de publicaciones."