Pop Piquiñín lleva a Candás los cantares de 'Andamos en bici'

Ye'l cuartu discu del grupu de música infantil favoritu de los neños y neñes asturianes.

Les families de l'asociación Reciella en Carreño entamen esti conciertu tán esperáu polos neños y neñes del conceyu. Ésti va celebrase mañana, a les 19.30 hores, na Antigua Fábrica d'Ortiz en Candás, con entrada de baldre, cita na que van tener un pesu especial los cantares de 'Andamos en bici', cuartu álbum de la banda.

Por Piquiñín ye'l proyeutu en llingua asturiana de Petit Pop, formación que cuenta con repercusión en tol Estau. El so primer trabayu foi 'Pop Piquiñín' nel 2013, a los que siguieron, ún per añu, 'Nun mos gusten los llunes' y 'Que nun te tarreza la naturaleza'.