Uviéu acueye la ceremonia de los Premios de la Crítica d'Asturies

Vicente García Oliva y Xuan Xosé Sánchez Vicente son los gallardonaos na estaya de narrativa y poesía en llingua asturiana.

L'Asociacion d'Escritores d'Asturies entrega esta tarde los XVI Premios de la Crítica d'Asturies, que destaquen los meyores llibros espublizaos l'añu anterior "col ánimu de reconocer y potenciar la lliteratura fecha n'Asturies". L'actu va celebrase a les 19.30 hores nel Aula Magna de la Universidá d'Uviéu.

Los premiaos nesta ocasión son García Oliva, en narrativa n'asturianu, por 'La vida de siempre' (Ediciones Trabe), y Sánchez Vicente, en poesía n'asturianu, por ‘De les hores y les memories’ (Ediciones Trabe). Mentes, en castellanu los gallardonaos son ‘Once voces humanes’, de Mirta Chamorro, en narrativa; y ‘Gregor Samsa frente a la ventana’, de Francisco Álvarez Velasco, en poesía.

D'igual forma, van entregase nesta ceremonia'l XI Premios de les Lletres, que ye pa Fernando Beltrán, y el Premiu a la Meyor Columna Periodística, que recibe José Luis Argüelles, periodista de ‘La Nueva España de Gijón’.