Montilla fai un apueste pol modelu catalán d'inmersión llingüística

"El presidente de la Generalitat, el socialista José Montilla, aseguró esti miércoles que nun hai nenguna contradicción nel Gobiernu catalán qu'encabeza, integráu pol PSC, ERC y ICV-EUiA, sobre la tercer hora de castellán na Educación Primaria.

Al ser entrugáu na sesión de control al presidente, nel plenu del Parlamentu, sobre esta cuestión, indicó que'l Gobiernu y la gran mayoría de la sociedá catalana tán comprometíos col modelu actual de inmersión llingüística, que ""foi un éxitu"" y ""garantía de convivencia y cohesión social"", consideró Montilla.

La Conseyería d'Educación anunció que diba retrasar un añu l'aplicación de la tercer hora de castelán nes escueles de Primaria, en cumplimientu del decretu estatal qu'obliga a les comunidaes con una segunda llingua oficial a impartir una tercer hora de materies de castellán o en catalán cada selmana.

Tres grupos parlamentarios - CiU, ERC y Ciudadans - entrugaron sobre la estensión de la terder hora de castellán na sesión de control al Gobiernu. El cabezaleru de CiU, Artur Mas entrugó sobre la decisión de la Conseyería d'Educación d'atrasar un añu'l plazu que tienen los centros pa concretar al Departamentu cómo apliquen la tercer hora ye ""un tema de partíos o de país"".

Mas señaló que, retrasando un añu l'aplicación de la tercer hora de castellán como ayeri anunció la Conseyería d'Educación, da ""indefensión xurídica total"" a les direiciones de cada centru d'Educación Primaria de Cataluña. Pela so parte, dende les files d'ERC, el presidente del so grupu parlamentariu, Joan Puigcercós, consideró que ""ERC forma parte del Gobiernu tamién pa que caltenga y meyore'l modelu de inmersión llingüística y d'escuela catalana"". Defendió'l sistema actual, qu'inclúi la inmersión llingüística, dalgo que ""dio cohesión al país y permite que la llingua del país avanzara"". Indicó que'l modelu ta siendo ""presionáu pola iniciativa de grupos minoritarios que quieren segregar el país en dos metaes llingüístiques"". ""Toi convencíu de qu'esti Gobiernu nun va dar apoyu a esti modelu segregacionista"", dixo Puigcercós, quien apostó por un ""país únicu"", un sistema educativu unificáu y que la llingua habitual seya'l catalán, pa fomentar la ""cohesión social"" y afrontar asina'l ""nuevu retu"" que supón la llegada d'alumnos estracomunitarios.

Finalmente, dende Ciudadans, Albert Rivera llamentó que Cataluña seya la ""única"" autonomía na que nun s'aplica'l decretu que fizo'l Ministeriu d'Educación nel 2007 en qu'establez que tolos alumnos tamién los de les comunidaes autónomes con llingües cooficiales, tienen de recibir a la selmana un mínimu de tres hores de castellán. Rivera dixo que'l PSC defiende'l ""trillingüismu nes elecciones"" pero llueu ""aplica otra cosa"". ""Ye curioso que seya'l PSOE quien permita que la llingua más falada en Cataluña - en referencia al Castellán - se considere una llingua estranxera"", dixo Rivera, quien indicó que ""el tripartitu nun permite a miles d'alumnos tener los mesmos derechos"" n'educación que nel restu d'España. Aseguró que la Conseyería d'Educación retrase un añu la tercer hora de castellán ye una ""baxada de pantalones"" a ERC, quien s'opón a la midida y llamentó que'l PSC lo permita.

Pela so parte'l presidente Montilla consideró que'l modelu actual que lleva 30 años aplicándose ""ye un éxitu"" y qu'asina lo reconoz ""la inmensa mayoría de la sociedá catalana"" y tamién les ""instancies europees de más altu nivel"". Aseguró que'l sistema actual y la inmersión permiten ""garantizar la convivencia de ciudadanos que tienen llingües maternes distintes"" ya indicó que ""la convivencia y la cohesión sólo tuvieron en peligru cuando unos quieren poner de manera irresponsable intereses políticos"" énte'l modelu catalán.

""El Gobiernu adoptó y va siguir adoptando"" el modelu d'inmersión llingüistica y va fomentar la ""competencia llingüística"" de los alumnos catalanes independientemente del so orixe en catalán, castellán y tamién nuna tercer llingua, preferentemente l'inglés."