Somalia encara la peor crisis humanitaria de la última década

"La vida de miles de civiles ta en seriu peligru pola escasez d'alimentos y d'agua, la intensidá del conflictu armáu y la grave seca qu'afeuta a Somalia, na mayor crisis humanitaria rexistrada nos últimos diez años nel país africanu, según un comunicáu unviáu esti miércoles pol Comité Internacional de la Cruz Roxa (CICR), que fizo un llamáu a la Comunidá Internacional pa poder atender a mediu millón de persones.

""Somos testigos de la peor traxedia rexistrada nel últimu deceniu en Somalia"", aseguró'l xefe de la delegación del CICR pa Somalia, Pascal Hund.

""Les condiciones de vida d'abondes families son mui difíciles. La xente ta agotao pola so interminable llucha pola sobrevivencia. Ente'l prollongáu conflictu armáu y los otros tipos de violencia, atopar agua y alimentos pa la familia ye un retu cotidianu. Tamién ye cada vegada más difícil ser quien a facese con atención médica y vivienda"", añadió.

Nes próximes selmanes, y en coordinación col Programa Mundial d'Alimentos y Care, Cruz Roxa tien previsto distribuyir raciones d'alimentos p'atender a les necesidaes de 435.000 persones a lo llargo de los próximos cuatros meses. El CICR ta faciendo un llamáu a la Comunidá Internacional pa poder financiar esti proyeutu y pa qu'unos 150.000 somalís puean recibir artículos domésticos de primer necesidá, como mantes, materiales p'albergues y preseos de cocina.

La situación en Somalia, que vive una de les peores crisis del mundu dende un puntu de vista humanitariu, según el CICR, sigue empeorando dende primeros del añu. Son cada vuelta más les ciudaes y poblaos de les rexones del centru y sur del país nes que se rexistren enfrentamientos armaos, y la llucha sigue siendo especialmente intensa na capital, Mogadiscio. Abondos civiles resultaron firíos o morrieron. Hai cientos de miles de refuxaos internos y los más d'ellos viven agora al aire llibre o en campamentos, lloñe de tou tipu d'instalaciones médiques, asegura Cruz Roxa. La situación en materia de seguridá ye cada vez peor y la estrema fraxilidá de la economía fai tovía más difícil la sobrevivencia de munches comunidaes rurales."