Barack Obama fai historia

"El precandidatu demócrata, Barack Obama, fizo historia esti martes al llograr la mayoría de delegaos necesarios y tornar nel primer candidatu negru a la presidencia d'Estaos Xuníos, según s'informa en medios locales. Obama declaró énte la multitú que s'aconceyó en St Paul, Minnessota, onde pronunció per primer vez la so victoria frente a la que fuera la so rival a lo llargo de los últimos 17 meses, Hillary Clinton, y aseguró que la carrera pola candidatura, una de les más llargues de la historia reciente, finara.

Colos nuevos delegaos y superdelegaos comprometíos, Obama algamó los 2.118 que necesitaba pa enfrentase al republicanu John McCain.

""Esta nueche llegamos al final d'una histórica xornada col entamu d'otra"". Demientres el so discursu, el que pue tornar nel primer presidente estaounidense negru de la historia d'Estaos Xuníos, quixo dar les gracies a tolos ciudadanos norteamericanos que lu apoyaron y apostaron pol cambiu. ""Esti ye'l nuesu momentu, el momentu d'acabar coles polítiques antigües y ufiertar una nueva direición pa esti país que tanto queremos"".

El cambiu foi tema central del discursu del senador, quien insistió continuadamente en qu'hai que promover una tresformación que garantice cobertoria a tolos ciudadanos. ""Enfermedaes, terrorismu, muerte... neso hai que centrar los nuestros esfuerzos, eso ye lo qu'hai que cambiar. Debemos de tener el coraxe y la convicción de facelo posible, neso consiste'l cambiu, n'entender que los problemes de los ciudadanos puen solucionase"".

El candidatu fizo un apueste pola renovación de la seguridá social, el sistema sanitariu, la educación, la disminución d'impuestos y el desarrollu de la anovación. ""Vi a munches persones con diferentes opiniones, puntos de vista opuestos... pero toos ellos lluchen por algamar meyores condiciones de vida, de trabayu, de colexu pa los sos fíos"".

Obama dixo que taba deseando que llegar setiembre pa da-y a los ciudadanos lo que realmente se merecen. ""Merecéis a unos políticos que vos representen, porque podremos ser demócrates o republicanos, pero primero somos norteamericanos"". ""Porque queríeis un cambiu, porque queríeis qu'escuchemos les vuestres esperances, güei entamamos un nuevu viaxe"". ""Vamos facer lo posible pa que la vuestra voz se sienta. Dexainos entamar a cambiar el mundu y dar un nuevu cursu a América"", añadió.

""El camín va ser difícil"", dixo Obama. ""Enfréntome a esti retu con torgues pero nun duldéis que voi lluchar por esto. Toi seguru de que nun futuru vamos ser quién a volver la vista p'atrás y dici-y a los nuestros fíos qu'ésti foi'l momentu nel que nos unimos y apostamos por un cambiu""."