El concursu de rellatos de Villaviciosa será finalmente pa testos n'asturianu

L'equipu de gobiernu va treslladar esta propuesta a la Comisión de Cultura. La primer convocatoria del concursu sólo permitía testos en "lengua española".

El pidimientu fechu por Iniciativa pol Asturianu al alcalde, el socialista Alejandro Vega, y a tolos grupos municipales énte esta "discriminación grave pa la llingua asturiana, asina como pa tolos escritores que la empleguen nes sos creaciones” tuvo'l so ecu. Asina, l'equipu de gobiernu va tresmitir a la Comisión de Cultura prevista pa güei que'l Premio de Relatos Ayuntamiento de Villaviciosa pase a ser pa testos en llingua asturiana.

D'igual forma, valora'l cambiu de nome pa que lleve'l de Xosé Caveda y Nava n'homenaxe al escritor maliayu en llingua asturiana. De salir alantre la propuesta, como paez, el concursu convocaríase pal añu qu'entra.