Xixón, A Veiga, Ribeseya y Castropol; bandera verde en xestión ambiental

"La Federación d'Usuarios Consumidores Independientes, FUCI, col sofitu de la Fundación Biodiversidá, fizo entrega de los Premios Bandera Verde - Conceyu Responsable a los ayuntamientos españoles con una xestión ambiental que medra en calidá no tocante a la recoyida de residuos y llimpieza, el consumu enerxéticu y la contaminación, la educación ambiental y la participación ciudadana, asina como la xestión del agua y el compromisu ambiental.

Ente estos ayuntamientos podemos atopar los asturianos de Xixón, A Veiga, Ribeseya y Castropol.

Pa la presidenta de FUCI, Agustina Laguna, esti fechu ""amuesa l'apueste pol mediu ambiente que faen, amás de les grandes ciudaes, los pequeños conceyos que tomen conciencia, cada vegada más, de la responsabilidá que tienen"".

La entidá encargada d'entregar los premios faló del esfuerciu de Xixón por ""meyorar la xestión del agua al traviés de programes bien axustaos y programaos en materia d'Educación Ambiental"". Asina mesmo, y no que cinca a Ribeseya, valoró positivamente'l so ""plan de llimpieza, afitáu y estructuráu y qu'amás, pue consultase al traviés de la so páxina web"". Pa finar, nel casu d'A Veiga rescampla'l so ""recicláu seleutivu atendiendo a la especificidá de la zona"", complementando esta aición con un ""programa d'educación ambiental mui completu.

Na semeya: Oficines d'EMULSA."