El XIX Certame Ḷḷiterariu César Feito pa escolinos de Tinéu zarra’l día 22 el plazu pa presentar trabayos

Col oxetivu d’atopar escritores nuevos que puedan siguir la trayeutoria del poeta César Feito, el Conceyu de Tinéu entama una edición nueva del certame lliterariu que lleva’l nome del de Brañicán. Los escolinos del conceyu tienen hasta’l día 22 pa presentar les so creaciones.

Tolos neños y neños d’ente 3 y 16 años qu’estudien o vivan en Tinéu pueden participar con ún o dos trabayos lliterarios orixinales de tema llibre d’un llargor máximu de cinco fueyes. Éstos han de tar escritos n’asturianu occidental o nel estándar académicu.

El xuráu va tener en cuenta a la hora d’escoyer a los ganadores la orixinalidá, la redaición y la calidá lliteraria. En total van dase trés premios, que van consistir en material bibliográficu y audiovisual en llingua asturiana, por caúna de les trés categoríes: hasta 8 años, de 9 a 12 años y de 13 a 16 años.

Los escolinos y escolines interesaes en participar han de presentar los sos trabayos enantes del martes 22 na cases de cultura de Tinéo o de Navelgas. Na convocatoria anterior presentáronse un total de 192 cuentos.