Les rexones riques de Bolivia voten "Sí" a l'Autonomía

"El 'Sí' al estatutu autonómicu ganaría nel referendu celebráu nes rexones bolivianes de Pando y Beni, según proyeutó la cadena privada de televisión ""ATB"", basándose nel 80 por cientu del recuentu de votos.

L'altu índiz d'ausencia marcó la polémica de la consulta, promovida polos opositores contrarios al Gobiernu d'Evo Morales, que la calificó d'illegal. Según esti primer informe, en Beni el ""Sí"" a l'autonomía algamaría un 80,2 por cientu de los votos, demientres que'l 'Non' un 19,8 por cientu, con una astención del 35 por cientu del electoráu.

En Pando, l'otru distritu llamáu a les urnes, el ""Sí"" algamó'l 82,8 por cientu, énte un 17,2 por cientu del ""Non"", con una astención que pue superar el 50 por cientu.

L'apoyu al estatutu autonómicu d'estes dos rexones sumaríase al que yá algamara'l ricu distritu oriental de Santa Cruz nel referendu celebráu'l pasáu 4 de mayu. Asina, diben ser yá tres les rexones del emprobecíu país que desafíen el cambiu de Constitución prometíu pol presidente izquierdista, Evo Morales.

El desafíu autonómicu de la derecha, que llogró paralizar dende primeros d'añu'l procesu en vixencia d'una nueva Constitución ""plurinacional"", va completase'l próximu 22 de xunu con un referendu nel distritu sureñu de Tarixa, onde tán les mayores reserves de gas natural del país."