Bloque por Asturies recuérda-y a Educación la obligatoriedá d'ufiertar asturianu y gallego-asturianu

"El Bloque por Asturies recordó-y esti xieves a la Conseyería d'Educación, coincidiendo col momentu de matriculación n'Educación Primaria, Secundaria y Bachilleratu, que ""tolos centros tienen la obligación d'ufiertar les asignatures de Llingua Asturiana y Gallegu-Asturianu"".

Al traviés d'una nota de prensa, el Bloque por Asturies espresó la so incomprensión a que sigan esistiendo ratios que ""incumplen el derechu individual de cualesquier alumnu a estudiar Llingua Asturiana o Gallegu-Asturianu"".

Tampoco compriende que ""el derechu a estudiar una asignatura dependa de qu'otros compañeros la escueyan o de les torgues que se pongan dende determinaos equipos de direición, cola complicidá de la inspeición educativa"".
El Bloque Por Asturies llamenta que la Conseyería d'Educación nun asuma la so responsabilidá, realizando un siguimientu ""seriu"" de la situación nos centros privaos y concertaos, onde ""s'incumple'l derechu democráticu de los estudiantes a cursar Llingua Asturiana y Gallegu-Asturianu""."