Felpeyu pon conciertu nes fiestes de Ciañu

"Esti domingu a les 21:30 hores Ciañu celebra les sos yá tradicionales fiestes con una montonera actividaes qu'empiecen esti vienres col pregón del ciañense y popular Henry Felgueroso ""Boborolu"" y van durar hasta'l próximu llunes cola xira.

Les fiestes de mayu de Ciañu, incluyen grandes orquestes pal sábadu y el domingu, amás de l'actuación de la Banda Gaites Conceyu de Llangréu, fútbol, concentración de motos clásiques, actividaes pa neños y neñes y, como yá vien siendo vezu, un gran conciertu Folk qu'esti añu va poner Felpeyu presentando'l so últimu discu Canteros.

Felpeyu va xubir pal escenariu del parque Ciañu el sábadu a les 21:30 hores.

Felpeyu, grupu que ye referencia na música asturiana, nació en 1991 y tien tres de sí un llargu y exitosu percorríu. Nel conciertu d'esti sábadu en Ciañu van presentar el que ye'l so últimu trabayu Canteros que sigue a los anteriores Felpeyu (1994), Tierra (1997), el direutu Live Overseas (2000) y Yá! (2006)."