El Conseyu de Comunidaes Asturianes celebra'l "Día de les Lletres Asturianes na emigración" en Valparaíso

"El presidente del Conseyu de Comunidaes Asturianes, Manuel Fernández de la Cera, y la direutora xeneral de Promoción Cultural y Política Llingüística, Consuelo Vega Díaz, participen nes distintes actividaes culturales organizaes con motivu del ""Día de les Lletres"" na Emigración organizáu pol Gobiernu del Principáu y el Conseyu de Comunidaes Asturianes.

La Coleutividá Asturiana de Valparaíso (Chile) tien ente los sos oxetivos la organización d'actividaes culturales y sociales. Ente elles rescampla la creación de la biblioteca Principáu d'Asturies, inagurada de recién na Escuela Pública España.

Esta biblioteca creóse con una dotación de llibros aportada pola propia comunidá asturiana, amás de 6.000 euros del Gobiernu del Principáu. Nesti momentu, tien unos 500 volumes y atiende a 500 neños d'esta escuela asitiada nún de los barrios más probes de Valparaíso.

Nos actos oficiales d'inauguración de la xornada institucional en Valparaíso intervinieron, amás de los representantes del Gobiernu asturianu, Pablo Manzano en representación de l'Academia de la Llingua Asturiana y el presidente de la Coleutividá Asturiana de Valparaíso, Ramón Trespalacios Collado. Nesta ocasión editóse'l llibru ""Cuando la memoria fala"", nel que se recopilen poemes de dellos escritores asturianos.

El Día de Les Lletres nel esterior vien celebrándose alternativamente en centros asturianos d'España (Les Palmes nel 2001, Logroño nel 2004 y Madrid nel 2007), América (Montevideo nel 2002, Buenos Aires nel 2005) y Europa (París nel 2003 y Liexa nel 2006).

Na semeya: banda de gaites nuna folixa del Centru Asturianu de Valparaíso"