Marquínez confía en que l'estudiu sobre les alternatives a Caliao tea llistu "en pocos meses"

"El presidente de la Confederación Hidrográfica del Norte (CHN), Jorge Marquínez, nun quixo da-y un plazu al estudiu sobre les alternatives al banzáu de Caliao pola mor de les torgues téuniques coles que se tán atopando, pero confió en que tea llistu ""nun plazu de pocos meses"".

Marquínez almitió, en declaraciones a TPA, que ""a estes altures tenía que tar rematáu l'estudiu"" pero recordó que ""les torgues que tán suponiendo los sondeos siguen retrasándolu"".

Poro, el responsable de CHN manifestó qu'hai ""qu'esperar a qu'acabe'l sondéu, y yá con esos datos van poder facese les midiciones y l'estudiu d'alternatives"". Marquínez fizo estes declaraciones n'Uviéu enantes de dir a la xunta onde diba a discutise l'actual protocolu de xestión de les alertes sobre inundaciones. L'oxetivu d'esti protocolu ye tener llistu un dispositivu eficaz en casu de lluvies intenses y p'amenorgar los daños y facelo en comuña colos equipos de Proteición Civil."