Comienza'l cursu de creación y conversación de la XDLA

Esti martes na Casa La Escribana de Lluanco, cola matrícula abierta entovía.

El cursu de la Xunta pola Defensa de la Llingua Asturiana (XDLA) tien 30 hores de duración y ta abiertu a la participación de cualquier persona con conocimientos previos del idioma. Con Xurde Fernández como maestru, l'alumnáu va poder perfeccionar el bon usu del idioma tanto escritu como oral, apurriendo erbíes pa enanchar el vocabulariu conocíu, amás de nes rellaciones ente llingua y sociedá.

L'horariu va ser de 19 a 20.30 hores, los martes y miércoles. Mentes, el llugar onde se ponen les clases ye la Casa La Escribana, asitiada na cai Suárez Inclán 5 de Lluanco.

El preciu de la matrícula completa ye de 20 euros y inclúi tolos materiales. Ésta ta entá abierta y pue facese al traviés de los númberos de teléfonu 679.650.998 o al 985.22.95.53 y del corréu electrónicu info@exunta.org.

Ye importante destacar que la XDLA ye una entidá acreitada pola Conseyería d’Educación y Cultural pa la formación permanente del profesoráu.