Llangres participa na Fetê Intercektique del Périgord

"El grupu asturianu Llangres participará esti fin de selmana na Fetê Intercektique que tien llugar en Issigeac, na comarca francesa del Périgord.

Esti festival celébrase na ciudá medieval d'Issigeac y ye la continuación del que se celebraba en Monsac, y nel que yá participó Llangres na so segunda edición.

Nesta 5ª edición, amás del grupu asturianu, van participar la Kevren d'Orleans Cercle et Bagad (Bretaña), l'Aubigny Auld Allience Pipe Band (Escocia) Blacwater (Irlanda) Mutenrohi y Cristina Pato (Galicia).

D'otru llau, y durante los díes que dura'l festival (31 de mayu y 1 de xunu) habrá un salón de Luthiers, grupos d'animación, cuentacuentos y puestos d'artesanía, onde tamién hai representación asturiana a traviés de la quesería Llazana (Les Regueres), cola fabricación de quesos d'afuega'l pitu."