"Térmica de Corvera NON" cuenta aconceyase colos grupos políticos del conceyu

"La Plataforma ""Térmica de Corvera NON"" entamará nestos díes una serie d'aconceyamientos colos grupos municipales pa espresa-yos el so refugu a la instalación prevista nel conceyu.

Ente les midíes que cuenta poner en marcha la plataforma ta la información a la población del conceyu del peligru que supón una central d'estes carauterístiques nuna zona que yá tien l'atmósfera contaminada como ye'l casu.

D'otru llau, el coleutivu aprobó entamar una ronda de contautos colos grupos políticos de Corvera col envís de conocer la posición de les diferentes formaciones nesti asuntu.

""Térmica de Corvera NON"" espera que'l Ministeriu de Mediu Ambiente eche p'atrás l'aprobación de la evaluación d'impactu ambiental porque, dende'l so puntu de vista,""la central de gas que quier poner la multinacional ESBi en Corvera incumple sistemáticamente la llexislación vixente en materia medioambiental""."