El preciu mundial de los alimentos xube un 53 por cientu

"Los precios de los alimentos siguen altos en tol mundu pese al aumentu de la producción. Los datos que manexa la Organización de les Naciones Uníes pa l'Agricultura y l'Alimentación (FAO) amuesen que, anque se caltuvieron estables dende febreru, nos primeros meses d'esti añu'l so preciu viose incrementáu nun 53% nel primer cuatrimestre del 2008 respeuto al mesmu periodu del añu pasáu.

El problema ye qu'anque la producción aumenta la necesidá de reponer les reserves que tán en mínimos torga tovía más la posibilidá de volver a niveles anteriores.

L'últimu informe de Perspectives Alimentaries de la FAO espublizáu esta selmana indica que los precios internacionales de los más de los productos básicos agrícoles entamaron a baxar, pero asegura que ye ""poco probable"" que vuelvan a los niveles d'años anteriores.

L'índiz de precios de los alimentos de la FAO caltúvose dende febreru del 2008, pero la media de los cuatro primeros meses d'esti añu ye tovía un 53% mayor comparada col mesmu periodu del añu anterior. ""La comida dexó de ser un productu baratu como yera enantes. Los precios al alza de los alimentos tán destinaos a empeorar el nivel actual inaceptable de falta d'alimentos de 854 millones de persones"", afirmó Hafez Ghanem, subdireutor Xeneral de la FAO.

L'Estudiu detalla que'l costu total de les importaciones d'alimentos de los países de baxos ingresos y con défictit d'alimentos (PBIDA) pue algamar los 169.000 millones de dólares nel 2008, un 40% más que nel 2007. Nesti contestu detalla que'l costu total de les importaciones d'alimentos de los países de baxos ingresos y con déficit d'alimentos (PBIDA) pue algamar los 169.000 millones de dólares nel 2008, un 40% más que nel 2007.

Nesti contestu, la FAO consideró ""preocupante"" el constante incrementu del gastu n'importaciones d'alimentos de los grupos de países sensibles y afirmó que pa finales del 2008 el gastu añal n'alimentos importaos pue suponer cuatro veces más que nel 2000. ""Tamos encarando la posibilidá de que'l númberu de persones que pasen fame xuba en munchos más millones""."