Los oceanógrafos piden la creación d'una rede d'espacios marinos protexíos

"Los oceanógrafos y científicos aconceyaos en Xixón nel alcuentru internacional sobre los efeutos del cambiu climáticu, reclamaron la creación d'una rede internacional d'espacios marinos protexíos. L'oxetivu d'esta rede diba ser eliminar ""los factores de presión"" como la contaminación o la ""sobrepesca"".

En declaraciones a la prensa, el direutor del Centru Oceanográficu de Xixón, Luis Valdés, manifestó que ""lo que cuerre más priesa"" no tocante a los océanos ye ""regular les zones protexíes"". ""Trátase de crear unes zones o espacios que nun se puean tocar, sobre los que nun se puea operar"", informó.

Ente los resultaos del congresu congresu, Luis Valdés señaló que los efeutos del cambiu climáticu tán determinando la calidá de los ecosistemes al combinalu con otros factores como los yá mentaos de la contaminación y ""sobrepesca"". ""Too esto fai qu'una superficie mui estensa de los océanos tea a un nivel de calidá negativu"", aseguró.

El congresu identificó asina mesmo los ""puntos débiles"" na observación del océanu, nos que se tien de poner el pesu de les inversiones y de los recursos nel ""futuru inmediatu"". Otra de les midíes llanzaes polos científicos p'amenorgar los efeutos del cambiu climáticu ye l'adautación del home al ecosistema, al traviés de la construcción de diques o pontes más altos. ""O tamién que les ciudaes entamen la construcción d'edificios públicos más tierra p'adientro de lo que tán"", señaló Luis Valdés.
A nivel personal, el direutor del Centru Oceanográficu de Xixón señaló qu'existen ""munches pequeñes coses"" que'l ciudadanu pue facer, dende un desarrollu ""más razonable"" de les xeres doméstiques, como ""nun garrar el coche pa too"". ""Munchos pequeños detalles qu'ayudaríen"", afirmó Luis Valdés."