La Xunta Xeneral conmemora la declaración de guerra al exércitu de Napoleón

"El Parlamentu asturianu celebrará mañana, vienres, un alcuentru institucional conmemorativu de la declaración de guerra al exércitu de Napoleón por parte de la Xunta Xeneral del Principáu d'Asturies, que tuvo llugar el 25 de mayu de 1808.

Nel alcuentru, programáu dientro de les celebraciones ellaboraes pola Xunta Xeneral pa conmemorar el bicentenariu de 1808, participarán los conceyos asturianos, representaos polos sos alcaldes, asina como diputaos y ex diputaos, el Presidente del Principáu, conseyeros, el Delegáu del Gobiernu y otres autoridaes.

A lo llargo los actos, qu'entamarán a les 13.00 hores na escalera central y nel salón europa, intervendrán la Presidenta de la Xunta Xeneral, María Jesús Álvarez González y, representando a tolos ayuntamientos, el presidente de la Federación Asturiana de Conceyos, Juan Pereiro."